கைதி கேரள முதல்வரை காப்பாற்றினார் !

கேரள முதல்வர் அச்சுதானந்தன் "நான், இன்று உயிருடன் இருப்பதற்கு காரணம் கோலப்பன் என்ற கைதி தான்!' என்கிறார்.

கேரளம் முழுவதும் 1946ல் கம்யூனிஸ்ட்காரர்கள் போலீசாரால் கைது செய்து வந்தனர்.அப்போது 23 வயதான அச்சுதானந்தனை கோட்டயம் பாலா போலீஸ் ஸ்டேஷனுக்கு அழைத்துச் சென்று மிக கொடூரமாக தாக்கினர். பலநாள் தாக்குதலில் மூச்சு பேச்சு இல்லாமல் துவண்டு போன அவரை, இறந்து விட்டதாக நினைத்து, காட்டுக்குள் தூக்கிப் போட முடிவு செய்தனர் போலீசார். இந்த கொடுமைகளை எல்லாம் அதே லாக்கப்பில் இருந்து பார்த்து மிரண்டுபோன கோலப்பன் என்ற கைதி, "பாடி'யை தூக்கி வண்டியில் ஏற்ற உதவினார். வெகுநேரம் சென்றதும் அச்சுதானந்தனுக்கு மூச்சு இருப்பது தெரிய வந்தது. உடனே, அரும்பாடுபட்டு அவரை மருத்துவனைக்கு அழைத்துச் சென்று காப்பாற்றினார் கோலப்பன்.



"எனக்கு உயிர் தந்த அந்த கைதியை அதன் பிறகு பார்க்கவில்லை. அவரை காண ஆசையாக இருக்கிறது!' என்கிறார் அச்சுதானந்தன்.